Thursday, June 24, 2010

تأثير هدر ساعة عمل على زيادة الإنتاجية

وبعدين ايه يعني زيادة الإنتاجية دي؟
الإجابة ببساطة هي أنه لو كان في مصر مائة شركة في مجال تصميم مواقع الانترنت مثلا، وكل شركة كان فيها موظف واحد بيضيع ساعة واحدة يوميا، فنحن أمام 2500ساعة عمل مهدرة شهريا، أي بمعدل 25ساعة عمل لكل شركة شهريا، تخيلوا بقى إن 25ساعة عمل دي قد تساوي إتمام موقع انترنت كامل لشركة تصدير واستيراد مثلا، تعالوا كده نحسب الخسائر:

موقع انترنت يعني دخلا لشركة تصميم مواقع الانترنت لا يقل عن رقم على يمينه أربعة أصفار

موقع انترنت يعني زيادة فرصة شركة التصدير والاستيراد في تسويق منتجاتها للعالم الخارجي وكذلك للمستهلك المحلي، وبالتالي زيادة مبيعات شركة التصدير والاستيراد

تخيلوا بقى إن بلدنا مصر خسرت عشرات الآلاف من الجنيهات بشكل مباشر، وما ينتج عنها من مرتبات وتوظيف ونمو في سوق العمل، كل ده بسبب ساعة مهدرة في العمل لموظف واحد بس، اضربوا الرقم في خمسين موظف وشوفوا المأساة اللي بتحصل.

الكارثة يا شباب إن الخسارة دي تنعكس على انخفاض الناتج القومي وكذلك انخفاض إيرادات الضرائب (لأن شركة تصميم المواقع كانت ح تدفع ضرائب عن تصميم موقع شركة الاستيراد والتصدير، وكذلك شركة الاستيراد والتصدير كانت ح تدفع ضرائب عن زيادة مبيعاتها)، وهذا الانخفاض يقلل قدرة الدولة على الإنفاق على تحسين خدماتها للمواطنين، بما يزيد من معدلات الفقر والفساد والجريمة.

No comments:

Post a Comment